مامۆستایەکی زمانی کوردی لە ڕۆژهەڵاتی کوردستان سزای 11 ساڵ زیندانی بەسەردا سەپێنرا

ئاڤا نیوز

 

سۆما پوورمحەممەدی، مامۆستای زمانی کوردی و ئەندامی دەستەی بەڕێوەبەریی ڕێکخراوی فەرهەنگی - کۆمەڵایەتی نۆژین لە شاری سنە لە دوو دۆسیەی جیاوازدا، بە کۆی 11 ساڵ زیندانیکردن سزادرا.

 

ڕاگەیێنراوی فەرمی: ڕێکخراوی مافی مرۆڤی هەنگاو ڕایگەیاند، سۆما پوورمحەممەدی لەلایەن دادگەی شۆڕشی سنە بە تۆمەتی "درووستکردنی کۆمەڵە و گرووپ بەمەبەستی تێکدانی ئاسایشی وڵات" بە 10 ساڵ زیندانیی سزادرا.

 

ئەوەی پێویستە بیزانیت: ناوبراو لە دۆسیەیەکی دیکەش بە تۆمەتی "تێکدانی ئاسایشی گشتی" لەلایەن دادگەی تاوانەکانی شاری سنە بە یەک ساڵ زیندانیی سزادرا.

 

زانیاری زیاتر: سۆما تەمەنی 35 ساڵە، ڕۆژی 18-01-2022 بەمەبەستی بەدواداچوونی دۆسیەی هاوژینەکەی بەناوی "ئیدریس مێنبەری" سەردانی دادگەی کردبوو و لەو کاتەدا دەستگیرکرا.

 

باکگراوند: پێشتر زارا محەممەدی، ئەندامی ڕێکخراوی نۆژین و مامۆستای زمانی کوردی، لەسەر پرسی بەرگریکردن و وتنەوەی زمانی کوردی بە پێنج ساڵ زیندانی سزادرا و دوای ساڵێک لە شوباتی 2023 ئازادکرا.