ئەردۆغان ڕێککەوتن لەبارەی دەستپێکردنەوەی ھەناردەی نەوتی هەرێمی کوردستان دەکات

ئاڤا نیوز
 

باڵیۆزی عێراق لە تورکیا ئامانجی سەردانەکەی ئەردۆغان بۆ بەغدا ئاشکرا دەکات و دەڵێت، لە سەردانەکەی سەرۆککۆماری تورکیا بۆ بەغدا دەستپێکردنەوەی ھەناردەی نەوتی هەرێمی کوردستان ڕێککەوتنی لەسەر دەکرێت.

 

لێدوانی فەرمی: "لە سەردانی سەرۆککۆماری تورکیا بۆ بەغدا ڕێککەوتنی ستراتیژی لە چەندین بوار ئەنجام دەدەرێت، دەستپێکردنەوەی ھەناردەکردنی نەوتی عێراق و هەرێمی کوردستان لە ڕێگەی تورکیاوە تەوەرێک دەبێت بۆ ڕێککەوتنەکان"، ماجید جەماوی، باڵیۆزی عێراق لە تورکیا وای گوت.

 

بۆچی گرنگە: سەردانەکە یارمەتیدەر دەبێت بۆ چارەسەرکردنی کێشە ھەڵپەسێردراوەکانی نێوان تورکیا و عێراق، هەروەها واژۆکردنی ڕێککەوتنی چوارچێوەی ستراتیژی لەخۆدەگرێت لە بوارەکانی ئابووری، ئەمنی و دۆسیەکانی ئاو.