ئەو کەسەی مزگەوتەکەی کەرکووکی داخستبوو دەستگیرکرا

ئاڤا نیوز 

بەڕێوەبەرایەتیی وەقفی سوننی کەرکووک دەستگیرکردنی ئەو کەسەی کە مزگەوتەکەی داخستبوو ڕاگەیاند و جەخت لە مافی نوێژخوێنان لە سەردانیکردنی مزگەوت و ئەنجامدانی پەرستشەکان دەکاتەوە. 

چیرۆکی سەرەکی: ڕۆژی شەممە 20-04-2024 لە گەڕەکی ڕاپەڕینی شاری کەرکووک خاوەنی مزگەوتێک دەرگای مزگەوتەکەی داخست و نوێژخوێنان لەسەر شەقام نوێژیان کرد، ئەمەش دەنگدانەوەیەکی زۆری دروستکرد، دوای بەدواداچوونی ئاڤا خاوەنی مزگەوتەکە دەستگیرکرا. 

ڕاگەیێنراوی فەرمی: بەڕێوەبەرایەتیی وەقفی سوننی کەرکووک ڕایگەیاند: بە یارمەتیی سەرکردایەتیی پۆلیسی کەرکووک ئەو کەسە دەستگیرکراوە و ڕەوانەی دادگە دەکرێت، دووپاتی دەکەینەوە مافەکانی نوێژخوێنان پارێزراوە و هەر هەوڵێک بۆ دروستکردنی بەربەست لەبەردەم نوێژخوێنان لە جێبەجێکردنی پەرستشەکانیان بە ڕێکاری یاسایی ڕووبەڕووی دەبینەوە.