سەرۆک بارزانی بۆ کوردانی ئێزدی: بە هەموو توانامەوە پاڵپشتیتان دەکەم

ئاڤا نیوز

 

سەرۆک بارزانی پێشوازی لە حازم تەحسین بەگ، میری ئێزیدی و ئەنجوومەنی ڕۆحانیی ئێزیدی کرد و ڕایگەیاند، بە هەموو توانایەکییەوە پاڵپشتییان دەکات.

 

ڕاگەیێنراوی فەرمی:  لە دیدارەکەدا سەرۆک بارزانی جەختی لەوە کردەوە کە ئێزیدی بەشێکی ئازیزی گەلی کوردستانن؛ داواشی کرد کە ئێزیدییەکان دەست بگرن بە دابونەریتی خۆیان و ڕێگە نەدەن دەنگی نامۆ و لابەلا کاریگەرییان لەسەر بکەن و زێدی باب و باپیرانیان بەجێبهێڵن.

 

ئەمەش بزانە:  شاندی میوان داوایان لە سەرۆک بارزانی کرد کە لە پاڵپشتیکردنی داواکانیان بەردەوام بێت و ڕێگری بکات لە هەموو ئەو هەوڵانەی کە بە نیازن پەرتەوازەیی بخەنە ناو ئێزیدییەکان.

 

پێدراوە ڕاستییەکان: سەرۆک بارزانی وێڕای ئاماژەدان بە هەوڵی هەندێک لایەن بۆ دیاریکردنی میری ئێزیدی لە بەغدا و دەستوەردان لە کاروباری ئێزیدیان ڕایگەیاند، بە هەموو توانای خۆی پاڵپشتی خوشک و برایانی ئێزیدی دەکات.