سەرۆکوەزیران بارزانی: پێویستە میدیاکارانی کوردستان هەمیشە لە بەرەی نیشتماندا بن

ئاڤا نیوز

 

سەرۆکوەزیران بارزانی پیرۆزبایی ساڵیادی ڕۆژنامەگەریی کوردی لە ڕاگەیاندنکارانی هەرێمی کوردستان کرد و ڕایگەیاند، بە ئازادی و بێ هیچ سانسۆرێک، کاری پیشەیی خۆتان دەکەن و تەواو ئازادن لە ڕەخنەگرتن و باسکردنی پێشێلکارییەکان.

 

وێنە گەورەکە: ئەمڕۆ 126ـەمین ساڵیادی ڕۆژنامەگەریی کوردی و دەرچوونی یەکەم ڕۆژنامەی کورستانە، بەو بۆنەیەوە سەرۆکوەزیران بارزانی پیرۆزبایی لە ڕۆژنامەنووسانی کوردستان دەکات.

 

پەیامی فەرمی: سەرۆکوەزیران بارزانی ڕایگەیاند: "حکومەت وەک هەمیشە هاوکار و یارمەتیدەری ڕۆژنامەنووس و ڕاگەیاندنکارانی کوردستان دەبێت بۆ ئەوەی بە هاوکاری هەموو لایەک، بتوانین کوردستان لە هەموو بوارەکاندا، بەرەو قۆناخێکی پێشکەوتووتر ببەین".

 

زانیاریی زیاتر: سەرۆکوەزیران بارزانی ئاماژەوەی بەوەش کرد، پێویستە ڕاگەیاندنکاران لە بەرەی نیشتماندا بن و ڕێگە نەدەن بە ناوی ڕۆژنامەگەرییەوە سووکایەتی بە بەهاکانی نیشتمان و بەرژەوەندییە باڵاكانی خەڵكی كوردستان بکرێت.