سەرۆکی هەرێمی کوردستان بۆ ڕۆژنامەنووسان: پارێزه‌رى به‌رژه‌وه‌نديى باڵاى گه‌ل و نيشتمان بن

ئاڤا نیوز 

 

نێچیرڤان بارزانی، سەرۆکی هەرێمی کوردستان، لە 126ـەمین ساڵیادی ڕۆژنامەگەریی كوردی و دەرچوونی یەكەم ژمارەی ڕۆژنامەی (كوردستان) و 26ـەمین ساڵیادی دامەزراندنی سەندیكای ڕۆژنامەنووسانی كوردستان‌، پەیامێکی بڵاو کردەوە، دەڵێت، پشتیوانیی ڕۆژنامەنووسان و ئازادیی ڕۆژنامەگەری دەکەن.

 

پەیامی فەرمی: نێچیرڤان بارزانی، سەرۆکی هەرێمی کوردستان لە پەیامەکەیدا باسی ڕۆڵی پیشەیيی ڕاگەیاندکارانی لە چاودێریکردنی دامەزراوەکان و بەرزکردنەوەی ئاستی هۆشیاریی خەڵک و دروستکردنی ڕای گشتی کردووە لەوەی ببنە فاکتەر و هاوکارێکی گرنگ لە پرۆسەی بوونیادنان و گەشەسەندنی دیموکراسى و کرانەوەی كۆمەڵگەدا.

 

خاڵە ئەرێنییەکان: سەرۆکی هەرێمی کوردستان، پشتیوانیی خۆی بۆ ڕۆژنامەنووسان و ئازادیی ڕۆژنامەگەری و ڕادەربڕین وەك بنەمایەكی سەرەكیی هەر كۆمەڵگەیەكی دیموكرات و ئازادیخواز دووپات دەکاتەوە.

 

شێوازی جێبەجێکردن: نێچیرڤان بارزانی داوا لە ڕۆژنامەنووسان دەکات پابەندی یاسای کاری ڕۆژنامەگەری و ئیتیکی ڕۆژنامەوانی بن له‌ ڕاستگۆیی، هاوسەنگی، بێلایەنی، دوورکەوتنەوە لە هەواڵی ساخته‌ و زمانی زبر بن و هاندەری پاراستنی ئاشتیی كۆمەڵایەتی و سه‌قامگيريى سیاسی و پارێزه‌رى به‌رژه‌وه‌نديى باڵاى گه‌ل و نيشتمان بن.