قەبارەی بازرگانی نێوان هەرێمی کوردستان و تورکیا زیاد دەکرێت

ئاڤا نیوز

 

قەبارەی بازرگانی نێوان تورکیا و هەرێمی کوردستان 12 ملیار دۆلارە و چاوەڕوان دەکرێت بە سەردانەکەی ئەردۆغان قەبارەی بازرگانییەکە زیاتر بێت.

 

وێنە گەورەکە: دوای 13 ساڵ جارێکی دیکە ڕەجەب تەیب ئەردۆغان، سەرۆککۆماری تورکیا سەردانی بەغدای کردەوە و ئێوارە سەردانی هەرێمی کوردستانیش دەکات.

 

زانیاریی بەدەستهاتوو: هەرێمی کوردستان بووەتە ناوەندێکی گرنگی بازرگانی لە نێوان عێراق و تورکیا؛ قەبارەی ساڵانەی ئاڵۆگۆری بازرگانی نێوان هەرێمی کوردستان و تورکیا زیاتر لە 12 ملیار دۆلارە و خۆراک، کەرستەی بیناسازی، جوانکاری ئۆتۆمبێل، جوانکاری ئافرەتان و کەرستەی ناو ماڵ دەنێردرێنە بازاڕەکانی هەرێمی کوردستان.

 

لەلایەکی دیکەوە: پێشتر سەرۆکی ژووری بازرگانیی دیاربەکر بە ئاڤا نیوزی گوتبوو: "سەردانەکەی ئەردۆغان بۆ پەرەپێدانی پەیوەندییە بازرگانی و ئابوورییەکانە، چاوەڕێ دەکرێت دەستەیەکی هاوبەشی بازرگانی نێوان هەردوولا پێکبهێنرێت".