سەعدی پیرە: سەردانەکەی ئەردۆغان بۆ هەولێر و بەغدا گرنگە

ئاڤا نیوز

 

گوتەبێژی یەکێتیی نیشتمانی کوردستان ڕایدەگەیێنێت، هاتنی ئەردۆغان بۆ هەولێر زۆر گرنگە و ئەو هەڕەشانەی پێشتر لەلایەن تورکیاوە لێیان کراوە، پێش هەڵبژاردەنەکانی ئەو وڵاتە بووە و دەبێت یەکێتی نەفەسی بەرامبەر تورکیا درێژ بێت.

 

هۆکارە زانراوەکان: تورکیا ئاسمانی وڵاتەکەی بە ڕووی فڕۆکەخانەکەی سلێمانی داخستووە، بەرپرسانی وڵاتەکە دەڵێن، "سزادان"ـی یەکێتیی نیشتمانیی کوردستانە و پێیانوایە ئەو حیزبە "هاوکاریی پەکەکە" دەکات.

 

لێدوانی فەرمی: سەعدی پیرە سەردانەکەی سەرۆککۆماری تورکیا بۆ بەغدا و پاشان هەولێر بە "گرنگ" دەزانێت و لەبارەی تێڕوانینی تورکیا بۆ یەکێتی دەڵێت: "دەبێت یەکێتی نەفەسی درێژ بێت بۆ ئەوەی ئەو هەڵە تێگەیشتنانەی لەلایەن کۆماری تورکیاوە هەیە لەسەر سلێمانی و یەکێتی ساغ بکرێنەوە".