وەزیری پەروەردە: لیستی گرێبەستی وانەبێژان ڕەوانەی بەغدا کراوە

ئاڤا نیوز

 

وەزارەتی پەروەردە بۆ بەگرێبەستکردنی مامۆستایانی وانەبێژ، لیستێکی ڕەوانەی بەغدا کردووە و چاوەڕێی وەڵامە.

 

لێدوانی فەرمی: "ناوی 37 هەزار و 700 وانەبێژی کوردستان ڕەوانەی بەغدا کراوە و چاوەڕێی وەڵامی ئەوانین بۆ بەگرێبەستکردنیان". ئالان حەمە سەعید، وەزیری پەروەردە ئەمەی بە ئاڤا نیوز گوت.

 

زانیاریی زیاتر: دوای بەگرێبەستکردنی ئەو وانەبێژانە، ئەوانەی بڕوانامەی بەکالۆریۆسیان هەیە، مووچەکەیان دەبێتە 500 هەزار دیناری جێگیر و ئەوانەشی بڕوانامەی دیبلۆمیان هەیە، مووچەکەیان دەبێتە 450 هەزار دینار.