لە گەرمیان 99 مینی دژە کەسی و دژە تانک و پارچە تەقەمەنی لەناوبران

ئاڤا نیوز   

سەرۆکی دەزگای گشتی کاروباری مین ڕایگەیاند، تەنیا ئەمڕۆ 99 مینی جۆراوجۆر لە گەرمیان دۆزراونەتەوە و لەناوبراون.

لێدوانی فەرمی: جەبار مستەفا، سەرۆکی دەزگای گشتی کاروباری مین بۆ ئاڤا نیوز گوتی: تیمی لەناوبردنی تەقەمەنی لە بەڕێوەبەرایەتی گشتی کاروباری مین، لە گوندی مەحموود قەجەری سەر بە ئیدارەی گەرمیان، توانیان 99 مینی دژە کەسی، مینی دژە تانک و پارچە تەقەمەنی جۆراوجۆر بدۆزنەوە.

ئەوەی پێویستە بیزانیت: لە میانی دۆزینەوەی ئەو 99 مینە لە گەرمیان؛ تیمەکانی لەناوبردنی تەقەمەنی لە چاڵێکدا گشت مینەکانیان لەناو برد.

داواکاریی فەرمی: بەڕێوەبەرایەتی گشتی کاروباری مین هاونیشتیمانیان ئاگاداردەکاتەوە لە کاتی بینینی مین و پارچە تەقەمەنی دەستکاری نەکەن و لێی دووربکەونەوە، لەپێناو سەلامەتی گیانتان بەبێ بەرامبەر پەیوەندی بکەن بە هێڵی گەرمی ژمارە 182ـی دەزگای مین.