سەرۆكی شارەوانی هەولێر كۆمپانیاكانی خاوێنكردنەوە ئاگادار دەكاتەوە

ئاڤا نیوز

سەرۆکی شارەوانی هەولێر داوایەک لە کۆمپانیاکانی خاوێنکردنەوە دەکات، دەڵێت " نابێت کەمتەرخەمی بکرێت لە کارەکاندا و پێویستە مامەڵەیەکی جوان لەگەڵ هاووڵاتیاندا بکرێت".

ڕاگەیێنراوی فەرمی: ئەندازیار کارزان عەبدولهادی، سەرۆکی شارەوانی هەولێر لە كۆبوونەوەی لەگەڵ كۆمپانیاكانی خاوێنكردنەوەی زبڵ و خاشاكی هەولێر ڕایگەیاند: " بەهیچ شێوەیەک ڕێگەپێدراو نییە کەمتەرخەمی لە کارەکانیاندا بکرێت و پێویستە ڕێز لە هاووڵاتیان بگیرێت، بە پیێ ئەو خشتەیەی دانراوە دەبێت کۆی زبڵ و پاشماوەکانی گەڕەک و کۆڵان و شەقامەکان کۆ بکرێنەوە".

کاریگەری و لێکەوتەکانی: ئامێرەکانی کەپسی کۆکردنەوەی زبڵ زۆرترین کاریگەریان هەیە لەسەر خەڵک چونکە ڕۆژانە کوچەو کۆڵانەکانی شاری هەولێر بەسەر دەکەنەوە بۆیە دەبێت مامەڵەیەکی تەندروست لەگەڵ هاونیشتیمانیان بکرێت". سەرۆکایەتیی شارەوانیی هەولێر وادەڵێت.

بۆچی گرنگە: سەرۆکی شارەوانیی هەولێر داوا لە کۆمپانیاکانی خاوێنکردنەوە دەکات، هەماهەنگیی باش هەبێت لە نێوان تیمەکانی خزمەتگوزاری و هاووڵاتییان و دەڵێت " دەبێت کارمەندان ڕێز لە داخوازییەکانی خەڵک بگرن و داواکانیان بە هەند وەربگرن".