لە سلێمانی ئامادەکاری دەکرێت بۆ ڕێگریکردن لە ئاگر

ئاڤا نیوز

قائیمقامی سلێمانی ڕایگەیاند، بۆ ڕێگریکردن له‌ که‌وتنه‌وه‌ی ئاگر، ئاگربڕ بۆ دارستانه‌کان ده‌کرێت.

ئەوەی پێویستە بیزانیت: به‌مه‌به‌ستی دروستکردنی ئاگر بڕ و ڕێگری کردن له‌ که‌وتنه‌وه‌ی ئاگر، قائیمقامی سلێمانی هه‌ریه‌ک له دارستان و پاوه‌نی سلێمانی،‌ هیزه‌ ئه‌منییه‌کان و لیژنه‌ هاوبه‌شه‌کان ڕاده‌سپێریت ڕێکاری پێویست بگرنه‌به‌ر.

لێدوانی فەرمی: تاریق حه‌مه‌ غه‌ریب، به‌ڕێوه‌به‌ری دارستان و پاوانی سلێمانی ڕایگه‌یاند: کۆمەڵێک ڕێکار لە کۆبونەوەکەدا بڕیاری لەسەردرا، ڕێگریکردن‌ له‌ ئاگرکردنه‌وه‌ی ئه‌و گه‌شتیارانه‌ی سه‌ردانی دارستانه‌کان ده‌که‌ن، لابردنی ئه‌و کۆشک و شوێنانه‌یه‌ که‌ وه‌ک کافتریای نێرگه‌له‌ کێشان له‌ناودارستانه‌کان به‌شێوه‌ی زیاده‌ڕۆیی دروستکراون.

زانیاریی زیاتر: له‌لایه‌ن قائیمقامی سلێمانییه‌وه‌ هه‌ریه‌ک له به‌ڕێوه‌به‌رایه‌تی دارستان و پاوه‌نی سلێمانی و‌ هیزه‌ ئه‌منییه‌کان و لێژنه‌ هاوبه‌شه‌کانی قائیقامیه‌ت ڕا‌سپێردران که‌ ڕێکاری پێویست بۆ دروستکردنی ئاگر بڕ و پاراستنی دارستانه‌کان بگرنه‌به‌ر. به‌ڕێوه‌به‌ری دارستان و پاوانی سلێمانی ئەوەی گوت.

بۆچی گرنگە: ئامادەکاری بۆ ڕێگریکردن لە کەوتنەوەی ئاگر، وادەکات لەئەگەری کەوتنەوەی ئاگریشدا زیانەکانی کەمتربن.