وەزیری دەرەوەی تورکیا باس لە گرنگی سەردانەکەی ئەردۆغان بۆ هەولێر دەکات

ئاڤا نیوز 

وەزیری دەرەوەی تورکیا باس  لە گرنگی سەردانەکەی ئەردۆغان بۆ هەولێر کرد، " جەختی لە پشتیوانی ئەردۆغان بۆ هەرێمی کوردستان  و گرنگی دۆستایەتی دراوسێیەتی هەولێر و ئەنقەرە "کردەوە.

وێنە گەورەکە: لە سەردانەکەی ڕەجەب تەیب ئەردۆغان سەرۆککۆماری تورکیا، لە بوارەکانی ئابووری، بەرەنگاربوونەوەی تیرۆر، ئاو، وزە، پرۆژەی ڕێگەی گەشەپێدان، دەروازە بازرگانییەکان. 26 ڕێککەوتننامەی لێکتێگەیشتن لە نێوان عێراق- تورکیا واژۆکراوە.

لێدوانی فەرمی: هاکان فیدان، وەزیری دەرەوەی تورکیا ڕایگەیاند: سەرۆککۆماری تورکیا گرنگی بە باش بوونی پەیوەندییە دیبلۆماسییەکانی  نێوان هەولێر و بەغدا  دەدات و بۆ سەقامگیری ناوچەکە بە پێویست و گرنگی دەزانێت.

باکگراوند: رۆژی 22-4-2024 ڕەجەب تەیب ئەردۆغان، سەرۆککۆمای تورکیا سەردانی بەغدا و هەولێری کرد، لە هەولێر لەگەڵ سەرۆک بارزانی و سەرۆکی هەرێمی کوردستان و سەرۆکوەزیران بارزانی کۆبووەوە.