لە هێرشەكەی كۆرمۆر چوار كوژراو و سێ بریندار هەن

ئاڤا نیوز

بە گوتەی قایمقامی چەمچەماڵ، لە هێرشەكەی كێڵگەی غازی كۆرمۆر شەش كەس بوونەتە قوربانی، چوار كەسی بەڕەچەڵەک یەمەنی كوژراون و سێی دیكەش برینداربوون.

 

لێدوانی فەرمی: ڕەمک ڕەمەزان، قایمقامی چەمچەماڵ بە ئاڤا نیوزی گوت: کاتژمێر 6:40 خولەک بەدرۆن هێرشکراوەتەوە سەر کێلگەی غازی کۆرمۆر، بەهۆیەوە سێ كەس كوژراون و سێ كەسی دیكەش برینداربوون"، بەڵام ئاڤا میدیا ناسنامەی چوار هاووڵاتیی یەمەنی لایە کە لە هێرشەکەدا کوژراون.

باکگراوند: لە ماوەی رابردوودا چەندین جار هێرشکراوەتە سەر کێڵگەی غازی کۆرمۆر، دواین جار لە  25-1-2024 بوو بە سێ کاتیۆشا هێرشی کرایە سەر.

 

وێنە گەورەکە: کێڵگەی غازی کۆرمۆر ڕۆژانە چوار هەزار و 200 مێگاوات کارەبا بەرهەم دەهێنێت، لەو بڕە دوو هەزار و 800 مێگاواتی بۆ هەرێمی کوردستان و ئەوەشی دەمێنێتەوە ڕەوانەی هەردوو پارێزگای کەرکووک و مووسڵ دەکرێت.