بەهۆی هێرشی سەر کۆرمۆر %70 ـی گەڕەکەکانی سلێمانی بێئاو دەبن

ئاڤا نیوز

بەڕێوەبەرایەتیی ئاوی سلێمانی ڕایگەیاند، بۆ پڕکردنەوەی کورتهێنانی ئەو کارەبایەی لە کۆرمۆر بەرهەم دەهێنرێت، یەکەی زیاتریان لە دەریاچەی دووکان كار پێ کردووە، بۆیە بەشێکی گەڕەکەکانی سلێمانی و قەزا و ناحیەکانی دەورووبەری بێئاو دەبن.

چیرۆکی سەرەکی: ئێوارەی دوێنێ هێرش كرایە سەر كێڵگەی غازی كۆرمۆر لە چەمچەماڵ، ئەمەش وایکرد لە دەریاچەی دووکان ئاوێکی زۆر بەربدرێتەوە بۆ پڕکردنەوەی بەرهەمی کارەبا، بەمەش تاوەکو ئاساییکردنەوەی دۆخی کێڵگەکە پێدانی ئاوی پاک بە ماڵان دەوەستێت.

لێدوانی فەرمی: ئامانج جەلال، گوتەبێژی بەڕێوەبەرایەتیی ئاوی سلێمانی بە ئاڤا نیوزی گوت: "هێڵی یەک و دووی دەریاچەی دووکان وەستاوە، بەو هۆیەوە %70ـی گەڕەکەکانی سلێمانی، لە دووکان، چەمچەماڵ، تەکیە، پیرەمەگروون و قەزا و ناحیەکانی دەورووبەر، بەردانەوەی ئاو دەوەستێت".

زانیاریی زیاتر: ڕۆژی هەینی ژمارەیەکی زۆری گەشتیار ڕوویان لە سەیرانگەکانی دووکان کردووە، پاشماوەی زۆر لە نێو دەریاچەکە کۆ بووەتەوە، ئەمەش هۆکارێکی دیکەیە بۆ وەستانی بەردانەوەی ئاوی پاکی ماڵان.