یەکێتیی مامۆستایانی کوردستان ڕوونکردنەوەیەک لەبارەی هەژماری من بڵاودەکاتەوە

 ئاڤا نیوز

 

یەکێتیی مامۆستایانی کوردستان ئەو دەنگۆیانە ڕەتدەکاتەوە کە گوایە یەکێتیەکە پڕۆژەی هەژماری من ڕەتبکاتەوە و دەڵێت، ئەو هەواڵانەی بڵاودەکرێنەوە پەیوەندی بەوانەوە نییە.

 

وێنە گەورەکە: لە ماوەی ڕۆژانی ڕابردوودا کۆمەڵێک لێدوان و هەواڵ بڵاوکرانەوە لەبارەی ئەوەی یەکێتیی مامۆستایانی کوردستان پرۆژەی هەژماری من ڕەتدەکاتەوە.

 

ڕاگەیێنراوی فەرمی: یەکێتیی مامۆستایانی کوردستان دەڵێت: ماوەیەکە هەندێ پەیج و دەزگای میدیایی هەواڵ و زانیاری بەناوی یەکێتییەکەوە بڵاودەکەنەوە، کە هیچ پەیوەندی بە ئێمەوە نییە، بەتایبەت هەندێک لێدوان بڵاوکراوەتەوە کە گوایە یەکێتی مامۆستایان هەژماری من ڕەتدەکاتەوە، کە ئەمەش دوورە لە ڕاستی.

 

زانیاری زیاتر: لە راگەیێنراوەکە هاتووە، یەکێتی مامۆستایان لەچەندین پارت و لایەن پێکهاتووە و هەریەکەیان گوزارشت لە بۆچوونی خۆیان دەکەن، هەروەها هەر ئەندامێک لە یەکێتی مامۆستایان ئەگەر لێدوانێک یان کۆمێنێتک بکات گوزارشت لە ڕای یەکێتی مامۆستایان ناکات.