نێچیرڤان بارزانی و فایەق زێدان تاوتوێی مافی پێکهاتەکان دەکەن

ئاڤا نیوز 

 

سەرۆکی هەرێمی کوردستان لە بەغدا لەگەڵ سەرۆکی ئەنجوومەنی باڵاى دادوەریی عێراق کۆبووەوە و چەندین پرسیان تاوتوێ کرد، لەوانەش پاراستنی مافی پێکهاتەکان.

 

وێنە گەورەکە: دوو ڕۆژە سەرۆکی هەرێمی کوردستان لە بەغدایە و لەگەڵ هاوپەیمانیی بەڕێوەبردنی دەوڵەت و سەرکردە سیاسییەکانی عێراق کۆبووەتەوە.

 

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان و فایەق زێدان، سەرۆکی ئەنجوومەنی باڵای دادوەریی عێراق هه‌وڵه‌كان و گفتوگۆى چاره‌سه‌ركردنى كێشه‌كانى حكومه‌تى عێراق و حكومه‌تى هه‌رێمى كوردستان له‌سه‌ر بنه‌مای ده‌ستوور، بيروڕايان گۆڕييه‌وه‌.

ئەمە لە ڕاگەیێنراوی سەرۆکایەتیی هەرێمی کوردستان هاتووە

 

زانیاریی زیاتر: سه‌ربه‌خۆيى ده‌سه‌ڵاتى دادوه‌رى، پاراستنی مافی هه‌موو پێکهاته‌کانی عێراق و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه‌ بوو.

 

بۆچوونی لایەنی بەرامبەر: فایەق زێدان لە کۆبوونەوەکەدا ڕۆڵی دەسەڵاتی دادوەری بۆ یەکلاکردنەوەی هەڵبژاردنی پەرلەمانی هەرێمی کوردستان بە گرنگ زانی. 

 

ئەوەی پێویستە بیزانیت: سەرۆکی هەرێمی کوردستان لەم مانگەدا دووەمجارە سەردانی بەغدا دەکات و پرسی هەڵبژاردنەکانی پەرلەمانی کوردستان و لادانی کورسیی پێکهاتەکان لە تەوەرەکانی گفتوگۆیەکانیدا بووە لەگەڵ بەرپرسانی عێراق.