نێچیرڤانی بارزانی و قاسم ئەعرەجی جه‌خت له‌ گرنگی هه‌ماهه‌نگيى نێوان هەولێر و بەغدا دەکەنەوە

ئاڤا نیوز

 

سەرۆکی هەرێمی کوردستان و ڕاوێژكارى ئاسايشى نه‌ته‌وه‌ييى عێراق جه‌خت له‌ گرنگيى هاريكارى و هه‌ماهه‌نگيى نێوان هەولێر و بەغدا دەکەنەوە.

 

وێنە گەورەکە: ماوەی دوو ڕۆژە سەرۆکی هەرێمی کوردستان لە بەغدایە، جگە لە بەشداری لە کۆبوونەوەی هاوپەیمانیی بەڕێوەبردنی دەوڵەت، لەگەڵ ژمارەیەک لە سەرکردە سیاسییەکانی عێراقش کۆبووەوە.

 

ڕاگەیێنراوی فەرمی: ماڵپەڕی سەرۆکایەتیی هەرێمی کوردستان ڕایگەیاند: "لە کۆبوونەوەی نێچيرڤان بارزانى، سه‌رۆكى هه‌رێمى كوردستان، له‌گه‌ڵ قاسم ئه‌عره‌جى، ڕاوێژكارى ئاسايشى نه‌ته‌وه‌يی عێراق، دۆخى ئه‌منيى عێراق و مه‌ترسى و هه‌ڕه‌شه‌كانى تيرۆر تاوتوێ كران".

 

زانیاریی زیاتر: هه‌ردوولا جه‌ختيان له‌ گرنگيى هاريكارى و هه‌ماهه‌نگيى نێوان لايه‌نه‌ په‌يوه‌نديداره‌كانى حكومه‌تى عێراقى فيدراڵ و حكومه‌تى هه‌رێمى كوردستان له‌ بوارى ئه‌منيدا و بۆ به‌ره‌نگاربوونه‌وه‌ى مه‌ترسييه‌ ئه‌منييه‌كان كرده‌وه‌.

 

ئەمەش بزانە: لاى خۆيه‌وه‌ ڕاوێژكارى ئاسايشى نه‌ته‌وه‌يی عێراق دووپاتى كرده‌وه،‌ ئارامى و ئاسايش و سه‌قامگيريى هه‌رێمى كوردستان و ته‌واوى ناوچه‌كانى عێراق پێكه‌وه‌ گرێدراوه‌.