سەرۆکایەتیی هەرێمی کوردستان: لێکتێگەیشتنێکی هاوبەش لەنێوان هەولێر و بەغدا هەیە

ئاڤا نیوز

 

گوتەبێژی سەرۆکایەتی هەرێمی کوردستان ڕایدەگەیێنێت، لە کۆبوونەوەکانی سەرۆکی هەرێمی کوردستان لەگەڵ سەرکردە سیاسییەکانی عێراق لێکتێگەیشتنێکی هاوبەش بۆ سەرجەم پرسەکان هەبوو.

 

لێدوانی فەرمی: دڵشاد شەهاب ڕایگەیاند: "لە کۆبوونەوەکاندا هەڵوەستەیەکی جددی لەسەر پرسی ئەمنی و ئەو هەڕەشانە کرا کە ناوبەناو لەسەر هەرێمی کوردستان دووبارە دەبنەوە. بە تایبەتیش بۆردوومانکردنی ئەم دواییەی کێڵگەی غازی کۆرمۆر کە زیانێکی گەورەی بە ئابووریی عێراق و هەرێمی کوردستان گەیاند".

 

زانیاریی زیاتر: ئاماژەی بەوەش کرد، خۆشبەختانە لێکتێگەیشتنێکی هاوبەش هەیە بۆ سەرجەم پرسەکان، لە سەرجەم دیدارەکاندا سەرکردە سیاسییەکانی عێراق "ئامادەیی جێبەجێکردنی سەرجەم بڕگەکان و ناوەرۆکی ئەو ڕێککەوتنە سیاسییەیان پێشانداوە کە حکومەتی سوودانی لەسەر پێکهاتووە".