وەزارەتی دەرەوەی تورکیا لەبارەی هێرشەکەی کۆرمۆر: لەنزیکەوە چاودێرین

ئاڤا نیوز

 

دوای هێرشە مووشەکییەکەی سەر کێڵگەی کۆڕمۆر، تورکیا چاودێریی دۆخی کێڵگەکە دەکات و وەزارەتی دەرەوەی ئەو وڵاتەش دڵنیایی لە سەلامەتی گیانی کارمەندانی کۆمپانیا تورکییەکانی کێڵگەکە دەدات.

 

وێنە گەورەکە: وەزارەتی دەرەوەی تورکیا، کۆنسوڵی تورکیای لە هەولێر ڕاسپاردووە بۆ پاراستن و پشتیوانیکردن لە کارمەند و کرێکارانی ئەو کۆمپانیا تورکییانەی لەو کێڵگەیە کار دەکەن.

 

ڕاگەیێنراوی فەرمی: ئۆنجو کەچێلی، گوتەبێژی وەزارەتی دەرەوەی تورکیا لە تۆڕی کۆمەڵایەتیی ئێکس نووسیویەتی: "تورکیا لە نزیکەوە چاودێریی پەرەسەندنەکانی پەیوست بەو پرسە دەکات".

 

چی ڕوویدا؟ ڕۆژی هەینی ڕابردوو، لەڕێگەی مووشەکەوە هێرش کرایە سەر کێڵگەی غازی کۆرمۆر و بەهۆیەوە چوار کەسی یەمەنی گیانیان لەدەست دا.