قاپی پلاستیک دەبێتە هۆی شەکرە و کەمبوونەوەی توانای منداڵبوون

ئاڤا نیوز

 

توێژینه‌وه‌ نوێیه‌كان ده‌ریانخستووه‌ كه‌ره‌سته‌کانی پاراستن و بەکارهێنانی خواردن، وه‌ك كیسی پلاستیكی و قاپ، تێكه‌ڵه‌یه‌ك له‌ مادده‌ كیمیاییه‌ زیانبه‌خشه‌كانیان تێدایه‌ کە زیانی تەندروستی هەیە.

 

وێنە گەورەکە: تیمی لێکۆڵینەوەکە لە زانکۆی زانست و تەکنەلۆجیای نەرویجی، ڕێگەیەکی نوێی بەکارهێناوە بۆ ئەوەی بزانن چ ماددەیەکی کیمیایی لەناو پلاستیکەکەدا هەیە.

 

ئەوەی پێویستە بیزانیت: لە توێژینەوەکەدا دەرکەتووە‌، به‌ركه‌وتن به‌م مادده‌ كیمیاییانه‌ مرۆڤ ڕووبەڕووی كۆمه‌ڵێك كێشه‌ی ته‌ندروستی دەکاتەوە، له‌وانه: شه‌كره‌، كه‌مبوونه‌وه‌ی توانای منداڵبوون و هه‌ندێك جۆری شێرپه‌نجه‌، منداڵانیش به‌ زۆری ڕووبەڕووی كاریگه‌رییه‌ نه‌رێنییه‌كانی ئه‌و مادده‌ كیمیاییانه‌ ده‌بنه‌وه‌.