عەلی تەتەر: هیواخوازین بەزووترین کات فەرمانبەرانی دهۆک بەشداریی هەژماری من بکەن

ئاڤا نیوز

 

پارێزگاری دهۆک کارتی 'هەژماری من'ـی وەرگرت و داواشی کرد هاونیشتمانیان بەزووترین کات لە پرۆژەکەدا بەشداربن.

 

وێنە گەورەكە: 'هەژماری من' گەورەترین پڕۆژەی بانكیی هەرێمی كوردستانە و لەلایەن سەرۆکوەزیران بارزانی، بڕیاری لێدراوە، ڕێگەیەكی ئاسان و پارێزراوە بۆ پێدانی مووچەی فەرمانبەران و خزمەتگوزارییە بانكییەكان.

 

لێدوانی فەرمی: د. عه‌لی ته‌ته‌ر، پارێزگاری دهۆک لە کۆنگرەیەکی ڕۆژنامەوانیدا ڕایگەیاند، پرۆژەی 'هەژماری من' پرۆژەیەکی شارستانی و سەردەمیانە و بەسوودە بۆ هاووڵاتییان، لە زۆربەی وڵاتە پێشکەوتووەکانیش کار بە کارتی بانکی دەکرێت و پارەی کاش بەکار ناهێنرێت.

 

داواکاری: پارێزگاری دهۆک داوا لە هاونیشتمانیان دەکات بە زووترین کات بەشداربن و دەڵێت، ئێمە پابەندین بە ڕێنمایی و بڕیارەکانی حکومەتی هەرێمی کوردستان و هەماهەنگی لەگەڵ حکومەتی عێراق.

 

بۆچی گرنگە: مووچه‌خۆرانی هه‌رێمی كوردستان کە لە پرۆژەی 'هەژماری من' بەشداری دەکەن، له‌ ژمارەیەک بانكی باوه‌ڕپێكراوەوە کارتەکانیان بۆ ده‌رده‌كرێت، بەمەش لە 19 خزمەتگوزاریی بانکی سوودمەند دەبن.