بەهۆی شەڕی غەززەوە کۆڵۆمبیا پەیوەندییەکانی لەگەڵ ئیسرائیل دەپچڕێنێت

ئاڤا نیوز

کۆڵۆمبیا ڕایگەیاند "لەبەر ئەو جینۆسایدەی ئیسرائیل لە کەرتی غەززە لە دژی خەڵکی فەڵەستین دەیكات"، پەیوەندییەکانی لەگەڵ ئەو وڵاتە دەپچڕێنێت.

لێدوانی فەرمی: گوستاڤۆ پێترۆ، سەرۆکی کۆڵۆمبیا، ڕایگەیاند: "سبەی واتە پێنجشەممە پەیوەندییە دیپلۆماسییەکان لەگەڵ دەوڵەتی ئیسرائیل دەپچڕێنین. ئەمەش لەبەر سەرۆکێکی جینۆسایدکار."

ئەوەی پێویستە بیزانیت: سەرۆکی کۆڵۆمبیا یەکێکە لە ڕەخنەگرە سەرسەختەکانی هێرشی ئیسرائیل بۆ سەر غەززە. 

باكگراوند: بە هۆی هێرشی ئیسرائیل بۆ سەر کەرتی غەززە تا ئێستا زیاتر لە 34 هەزار کەس، کە زۆربەیان ژن و منداڵن، گیانیان لەدەستداوە.

وێنە گەورەكە: وڵاتانی جیهان لەسەر شەڕی نێوان ئیسرائیل و حەماس دابەشی سێ بەرە بوون، بەشێكیان پشتیوانی ئیسرائیل و بەشێكیشیان پشتیوانی فەڵەستین دەكەن، بەشێكیشیان بێلایەنییان هەڵبژاردووە.