دەستەی گەشتوگوزار بۆ گەشتیاران: پابەندی ڕێنماییەکانمان بن

ئاڤا نیوز

 

دەستەی گەشتوگوزار ڕایدەگەیێنێت، پێویستە سەردانیکاران و گەشتیاران پابەندی ئەو ڕێنماییانە بن کە لەلایەن یەکە ئیدارییەکان بڵاو دەکرێنەوە.

 

وێنە گەورەکە: شەپۆلێکی تووندی بارانبارین، ڕەشەبا و خۆڵبارین ڕووی لە هەرێمی کوردستان کردووە، ئەگەری کۆبوونەوەی ئاو هەیە و پارێزگاری هەولێریش داوا دەکات، ڕۆژانی پێنجشەممە و هەینی سەردانی ناوچە گەشتیارییەکان نەکەن.

 

لێدوانی فەرمی: ئیبراهیم عه‌بدولمه‌جید، گوتەبێژی دەستەی گەشتوگوزار بە ئاڤا نیوزی گوت: "هاونشتمانیان ئاگادار دەکەینەوە پێویستە پابەندی گشت ڕێنماییەکانی پارێزگار و یەکە ئیدارییەکان بن کە بڵاوی دەکەنەوە، ئەمەش لەپێناو سەلامەتیتان".