لە ناوچەیەكی گەرمیان دەست بەسەر كارگەیەكی ماددەی هۆشبەردا دەگیرێت

ئاڤا نیوز

هێزەكانی بەڕێوەبەرایەتی نەهێشتنی ماددە هۆشبەرەكانی سەر بە دەزگای ئاسایشی هەرێمی كوردستان، لە ناوچەیەكی سنووری ناحیەی مەیدانی سەر بە قەزای خانەقین دەست بەسەر كارگەیەكی ماددەی هۆشبەردا دەگرن و چوار تۆمەتباریش دەستگیر دەكەن.

ڕاگەیێنراوی فەرمی: بەڕێوەبەرایەتی نەهێشتنی ماددە هۆشبەرەكانی سەر بە دەزگای ئاسایشی هەرێمی كوردستان، بە هەماهەنگی و ئاڵۆگۆڕی زانیاریی هەواڵگری نێودەوڵەتی و وەزارەتی ناوخۆی حكومەتی عێراق لە سنووری ناحیەی مەیدان دەست بەسەر كارگەیەكی ماددەی هۆشبەردا دەگرن.

زانیاریی زیاتر: لەسەر بنەمای زانیاریی پێشوەخت لەم ئۆپەراسیۆنەدا، توانرا چوار تۆمەتبار دەستگیربكرێت و دەستبگرن بەسەر سەرجەم ئەو ئامێرانەی بۆ دروستكردنی ماددەی هۆشبەر بەكارهێنراون". لە ڕاگەیێنراوی دەزگای ئاسایشی هەرێمی كوردستان ئەوە هاتووە.

بۆچی گرنگە: دەستبەسەرداگرتنی ئەو كارگەیە ڕێگر دەبێت لە دروستكردن و دواتر بڵاوكردنەوەی ماددەی هۆشبەر لە هەرێمی كوردستان.