سەرۆک بارزانی پێشوازی لە شاندێکی پارێزگای شرناخ دەکات

ئاڤا نیوز

سەرۆک بارزانی و شاندێكی پارێزگای شرناخ جەختیان لە پەرەپێدانی پەیوەندییە فەرهەنگی و ئابووری و بازرگانییەکانی پارێزگای شرناخ و هەرێمی کوردستان و بە تایبەت پارێزگای هەولێر کردەوە.

ڕاگەیێنراوی فەرمی: بارەگای بارزانی ڕاگەیاند، ڕۆژی دووشەممە 13-10-2025  لە پیرمام سەرۆک مەسعود بارزانی پێشوازیی لە شاندێکی پارێزگای شرناخ بە سەرۆکایەتیی بیرۆل ئێکیجی پارێزگاری شرناخ کرد.

زانیاریی زیاتر: پارێزگاری شرناخ پێزانینی بۆ ڕۆڵی سەرۆک بارزانی هەبوو لە بەرەوپێشەوەبردنی پڕۆسەی ئاشتی لە تورکیا و وێڕای ئاماژەدان بە ڕەهەندە ئیجابیەکانی ئەو پڕۆسەیە داوای کرد سەرۆک بارزانی لە پشتیوانییەکانی خۆی بۆ پڕۆسەی چارەسەری ئاشتیانەی تورکیا بەردەوام بێت.

 
ئەوەی پێویستە بیزانیت: هەر لەو دیدارەدا جەخت لە پەرەپێدانی پەیوەندییە فەرهەنگی و ئابووری و بازرگانییەکانی پارێزگای شرناخ و هەرێمی کوردستان و بە تایبەت پارێزگای هەولێر کرایەوە.