هاتوچۆی دهۆک هۆشداری بە هاووڵاتیان و شۆفێران دەدات

ئاڤا نیوز

بە هۆی ئەو شەپۆڵە بارانبارینەی هەرێمی کوردستانی گرتووەتەوە، هاتوچۆی دهۆک داوا دەکات شۆفێران بۆ کارێکی پێویست نەبێت هاتووچۆ نەکەن.

وێنە گەورەکە: شەپۆڵێکی بەهێزی بارانبارین و هەورە برووسکە ناوچە جیاوازییەکانی هەرێمی کوردستانی گرتووەتەوە، لە بەشێک لە شارەکان ڕێژەیەکی بەرچاوی ئاو لە شەقامەکاندا کۆبووەتەوە.

ڕاگەیێنراوی فەرمی: بەڕێوەبەرایەتی هاتوچۆی دهۆک لە ڕاگەیێنراوێکدا ڕایگەیاند: بەهۆی تێکچوونی کەشوهەواوە ئاگاداری شۆفێران و هاووڵاتییان دەکەینەوە، ئەگەر بۆ کارێکی پێویست نەبێت هاتووچۆ نەکەن، ئەمەش بە مەبەستی سەلامەتی گیانیان و ئۆتۆمبێلەکانیان.

لە لایەکی دیکەوە: بەرگریی شارستانی دهۆک بۆ هەر ڕووداوێکی نەخوازراو تیمەکانی خستووەتە ئامادەباشییەوە، داواش لە هاووڵاتییان دەکەن، بۆ هەر ڕووداوێک پەیەوەندی بە هێڵی 115ـی تیمەکانیانەوە بکەن.