کارەکانی پرۆژەی فلۆریا ستی جارێکی دیکە ڕادەگیرێت

ئاڤا نیوز

وەبەرهێنانی هەولێر، لەپێناو گەڕاندنەوەی مافی دوو هاووڵاتی بڕیاریداوە بەشێوەیەکی کاتی پرۆژەی فلۆریا ستی ڕابگیرێت.

نووسراوی فەرمی: بەڕێوەبەرایەتی گشتیی وەبەرهێنانی هەولێر لە نووسراوێکی هاوپێچی دەستەی وەبەرهێناندا کە ئاراستەی کۆمپانیا (ساوس کوردستان/فلۆریا ستی) کردووە تێیدا هاتووە: دەستبەجێ کارکردن لە پرۆژەکەیان ڕابگرن تاوەکو کێشەی دوو هاووڵاتی بە ناوەکانی (س.ئـ) و هاوشێوەکانیان لە پرۆژەکەدا چارەسەر دەکرێت.

لە لایەکی دیکەوە: محەممەد شوکری، سەرۆکی دەستەی وەبەرهێنانی حکومەتی هەرێمی کوردستان لەبارەی بڕیارەکە بە ئاڤا نیوزی گوت: کێشەی دوو هاووڵاتیەکە لەسەر 187 شوقە و یەک ڤێلایە و دەبێت خاوەن پرۆژەکە چارەسەری بکات.

زانیاریی زیاتر: لە نووسراوەکەدا ئەوەش هاتووە: ئەو ڕاگرتنە کاریگەری لەسەر گرێبەستی ئەنجامدراوی هاووڵاتییان نابێت، ئەگەر پابەند نەبن بە بڕیارەکە بەپێی یاسا و ڕێنماییەکان  مامەڵەیان لەگەڵ دەکرێت و مۆڵەتی پرۆژەکە هەڵدەوەشێنرێتەوە.

وێنەی نووسراوەكە