بەردی بناغەی پێنج پڕۆژە لە ئیدارەی سۆران دانرا

ئاڤا نیوز  

ژمارەیەک پڕۆژەی خزمەتگوزاریی لە ئیدارەی سەربەخۆی سۆران، بە گوژمەی زیاتر لە دوو ملیار دینار جێبەجێ دەکرێن.

لێدوانی فەرمی: هەژار حەکیم، بەڕێوەبەری ڕاگەیاندنی ئیدارەی سەربەخۆی سۆران بۆ ئاڤا نیوز گوتی: لەسەر ڕاسپاردەی سەرۆکوەزیران بارزانی بەردی بناغەی پێنج پڕۆژە لە سۆران دانرا و لە ئایندەیەکی نزیکدا هەوڵ دەدەین پڕۆژەکانی دیکە بخەینە بواری جێبەجێکردنەوە.

ئەوەی پێویستە بیزانیت: پێنج پڕۆژەکە بریتین لە:-

- پڕۆژەی ئاوی دۆڵی ئاکۆیان بە گوژمەی نزیکەی 600 ملیۆن دینار

• قیڕتاو کردن و کۆنکرێت کردنی ڕێگەی گوندەکانی "سەران، گەرەوانی خواروو، ئاکوان، فەقێیان، ئاوی کەون، گەرەوانی سەروو" سەر بە قەزای رواندز، بە گوژمەی نزیکەی 769 ملیۆن دینار.
  - چاککردنەوە و نۆژەنکردنەوەی شەقامەکانی سەنتەری قەزای ڕواندز بە گوژمەی زیاتر لە 480 ملیۆن دینار.
  - نۆژەنکردنەوەی یاریگای 11 یاریزانی ڕواندز بە گوژمەی نزیکەی 290 ملیۆن دینار.
  - کۆنکرێت کردنی کۆڵانەکانی بەرزێوە، ماولیان و جوندیان بە گوژمەی نزیکەی 270 ملیۆن دینار.
• 
  بۆچی گرنگە: جێبەجێکردنی ئەم پڕۆژانە جگە لەوەی سوودی بۆ هاووڵاتییان دەبێت، ژمارەیەک هەلی کاریش بۆ دانیشتووانی سنوورەکە دابین دەکات.