سەرۆكی ئەو تیمە شاخەوانییەی چوار كەسیان خنكان دەستگیركرا

ئاڤا نیوز

 

سەرۆکی ئەو تیمە شاخەوانییەی، ئەمڕۆ چوار ئەندامیان لە قەرەداغ گیانیان لە دەستدا، بە فەرمانی پۆلیس دەستگیر کرا.

وێنە گەورەکە: ئەمڕۆ 12 ئەندامی تیمێکی شاخەوانی لە سلێمانی بەهۆی بارانەوە لە شاخێکی نزیک قەرەداغ گیریان خوارد، چواریان گیانیان لە دەستداو هەشت ئەندامیان ڕزگار کران و سەرۆکی تیمەکە بە فەرمانی دادوەر دەستگیرکرا.

لێدوانی فەرمی: سەرکەوت ئەحمەد، گوتەبێژی پۆلیسی سلێمانی بە ئاڤا نیوزی ڕاگەیاند:" بە ماددەی 411 و بەفەرمانی دادوەری لێکۆڵینەوە سەرۆکی تیمەکە دەستگیر کراوە و ئێستا لە بەشی گرتن وگواستنەوەی سلێمانییە".

زانیاریی زیاتر: تەرمی چوار هاووڵاتییەکە ئێستا لە پزیشکی دادوەریی سلێمانییە و  ڕادەستی کەسوکارەکەیان دەکرێتەوە. گوتەبێژی پۆلیسی سلێمانی وای گوت.

 

زانیاریی بەدەستهاتوو: بەپێی زانیارییەكانی ئاڤا نیوز، ئەو كەسەی دەستگیر كراوە، ناوی "م.س"ـە و سەرۆكی ڕێكخراوی سەگرمەیە، پێشتر پۆلیس ئاگاداری كردووەتەوە كە بەهۆی خراپی كەشوهەواوە شاخەوانی نەكەن.