کۆنسوڵخانەی ئەمریکا: ڕۆژنامەنووسان بەشێکی گرنگی پرۆسەی دیموکراسین

ئاڤا نیوز 

جێگری کۆنسوڵی ئەمریکا لە هەولێر پاڵپشتیی خۆی بۆ ئازادی ڕۆژنامەوانی دووپاتکردەوە و ڕایگەیاند " ڕێز لە تەواوی ڕۆژنامەنوسان دەگرین".

وێنە گەورەکە: جێگری کۆنسوڵی ئەمریکا لە هەولێر بەشداریی مەراسیمی تەواوبوونی خولێکی ڕاهێنان بۆ ڕۆژنامەنووسان کرد کە 20 كەس لە شێخان، کەرکووک و هەڵەبجەوە تێیدا بەشداربوون لە کونسوڵخانەی ئەمریکا لە هەولێر.

ڕاگەیێنراوی فەرمی: "بە بەردەوامی ڕێز لە بوێری ڕۆژنامەنوسان دەگرین و پشتیوانی لە مافی پراکتیزەکردنی پیشەکەیان دەکەین و هاوشانیان دەوەستین بۆ ئازادی ڕاگەیاندن، ئەمە بەشێکە لەپەیوەندی ئەمریکا لەگەڵ هەرێمی کوردستان بەپشتیوانی سێ 360 پلە" پەمێلا هاک جێگری کۆنسوڵی گشتی ئەمریکا لەهەولێر وای گوت.

زانیاریی زیاتر: جێگری کۆنسوڵی گشتیی ئەمریکا گوتیشی: "پەیوەندی ئەمریکا و هەرێمی کوردستان تەنها پەیوەندی ئاسایش و ئەمنیی نیە بۆیە ئەوەی دەیکەین لەچوارچێوەی پشتیوانی و پەیوەندی ئەمریکایە بۆ هەرێمی کوردستان". 

ئەوەش بزانە: سێی ئایاری هەموو ساڵێک بە ڕۆژی "جیهانیی ئازادیی ڕۆژنامەوانی" لە لایەن نەتەوە یەکگرتووەکانەوە دیاریکراوە.

ئەوەی پێویستە بیزانیت: لەمەراسیمی کۆتایی خولی رۆژنامەنووسان كە ئەمریكا سپۆنسەری كردبوو، بڕوانامە درایە 20 ڕۆژنامەنووسی شێخان و کەرکووک و هەڵەبجە.