کەشناسی هەرێمی کوردستان: تا کاتژمێر نۆی بەیانی بەلێزمە باران دەبارێت

ئاڤا نیوز  

گوتەبێژی وەزارەتی گواستنەوە و گەیاندنی حکومەتی هەرێمی کوردستان ڕایگەیاند، دەرەنگانی ئەمشەو بەلێزمە باران دەستپێدەکات و پێشبینی دەکرێ تا نۆی بەیانیی بەردەوام بێت.

وێنە گەورەکە: چەند ڕۆژێکە شەپۆلێکی باران بارین ناوچە جیاوازەکانی هەرێمی کوردستانی گرتووەتەوە، لە چەند ناوچەیەک بووەتەهۆی کۆبوونەوەی ئاو و دروستبوونی لافاو.

لێدوانی فەرمی: دیلان ڕەشاد، گوتەبێژی وەزارەتی گواستنەوە و گەیاندنی حکومەتی هەرێمی کوردستان بە ئاڤا نیوزی گوت: شەپۆلی بارانبارین لە کاتژمێر 12:00 یان یەک دەستپێدەکات، پێشبینی دەکرێ لە کاتژمێر سێ باران بەهێز ببارێت و بەردوامیش بێت تا بەیانی.

ئەوەی پێویستە بیزانیت: تائێستا بەهۆی باران و لافاو لە هەرێمی کوردستان، بە دیاریکراوی لە سلێمانی چوار کەس خنکاون و لە دهۆک دوو پێشمەرگە بەهۆی هەورەبرووسکە برینداربوون و لە هەولێریش ئاو چووەتە زیاتر لە 50 ماڵەوە.