بەهۆی بەشداریكردن لە ڕێوڕەسمی نەورۆز چەند هاووڵاتییەک لە ڕۆژهەڵاتی كوردستان دەستگیر دەكرێن

ئاڤا نیوز

لە چەند ڕۆژی ڕابردوودا، ئیتڵاعاتی ئێران 14 هاووڵاتی شاری شنۆی ڕۆژهەڵاتی کوردستانی بەهۆی بەشداریكردن لە ڕێورەسمی نەورۆز دەستگیردەكات.

 

وێنە گەورەكە: بە گوتەی ڕێكخراوەكانی مافی مرۆڤ، هەرچەندە ئێران بە ئاشكرا دژایەتی خۆی بۆ ئاهەنگی نەورۆز ڕانەگەیاندووە، بەڵام بەر لە ئاهەنگی نەورۆز و دوای ئاهەنگەكەش بەپاساوی دیكە بەشدارانی ڕێوڕەسمی نەورۆز دەستگیر دەكات.

ئەوەی پێویستە بیزانیت: دوێنێ پێنجشەممە، ئارمان ئیبراهیمی، دانیشتووی گوندی "ئالیكاوێ"ـی شاری شنۆ، لەلایەن ئیتڵاعاتی ئێران، بێ بەڵگەنامەی دادوەر دەسبەسەر و بۆ شوێنێكی نادیار براوە.

زانیاریی زیاتر: لە چەند ڕۆژی ڕابردوودا 13 هاووڵاتیی دیكە هەر لە شاری شنۆ و بە تۆمەتی بەشداریکردن لە ڕێوڕەسمی نەورۆزی کوردەواری دەسبەسەر كراون، تا ئێستا زانیاریی تەواو لەسەر تۆمەت و چارەنووس و شوێنی هێشتنەوەی ئەو هاووڵاتییانە لەبەردەست نییە.

 

 ناوی دەستبەسەرکراوەکان:
ـ یووسف حاجی خۆش
ـ سەلاح قازی
ـ حیسامەدین مەحموودی
ـ محەممەد سوڵتانپوور
ـ غەفوور شێخ ئەحمەدی
ـ جەعفەر ڕەسووڵی
ـ حەسەن ڕەسووڵی
ـ مەولوود ڕووستا
ـ هادی لاوە
ـ ئاکۆ ئیبراهیمی
ـ ڕەحیم ڕەفعەتی
ـ ئومێد ڕەشیدپاک
ـ فەخرەدین مودەڕیسی