هەرێمی کوردستان لە ڕێگەی هەژماری منەوە ئامادەیی خۆی بۆ تەوتینی مووچەخۆران دەردەبڕێت

ئاڤا نیوز

 

حکومەتی هەرێمی کوردستان ئامادەیە بانکی TBI بۆ تەوتینکردنی مووچەخۆرانی هەرێمی کوردستان، بەشداری لە پرۆسەی هەژماری من بکات.

 

ئەوەی پێویستە بیزانیت: بانکی TBI یەکێکە لەو سێ بانکانەی لەلایەن دادگەی فیدراڵی و وەزارەتی دارایی عێراق دەستنیشانکراوە بۆ تەوتینکردنی مووچەخۆرانی هەرێمی کوردستان.

 

نووسراوی فەرمی: لە نووسراوێكدا کە ئیمزای سەرۆکوەزیران بارزانی لەسەرە و بۆ محەممەد شیاع سقودانی، سەرۆكوەزیرانی عێراق نێردراوە و پێی ڕاگەیاندووە: ئاگادارتان دەکەینەوە لە ڕێككەوتنی نێوان حكومەتی هەرێمی كوردستان و بانكی بازرگانی عێراق (TBI) بۆ بەشداریکردنی لە پرۆسەی (تەوتین)ـی مووچەی مووچەخۆرانی هەرێمی كوردستان لە ڕێگەی هەژماری منەوە بەو پێیەی ئەو بانكە بانكێكی حكومی فیدراڵیە.

 

زانیاریی زیاتر: ئەو نووسراوەی حکومەتی هەرێمی کوردستان هاوپێچی نووسراوێكی دیکەی وەزارەتی داراییە كە ئاراستەی TBI کراوە، ڕەزامەندی نیشاندراوە بەشداری لە (هەژماری من) بکات.