قەیس خەز عەلی: چوونەدەرەوەی ‌‌هێزەکانی ئەمریكا کارێکی ئاسان نییە

ئاڤا نیوز

ئەمینداری گشتیی عەسائیبی ئەهلی حەق ددان بەوەدا دەنێت کە دەرکردنی ‌هێزەکانی ئەمریکا و هاوپەیمانان کارێکی ‌ئاسان نییە، دەشڵێت "پێویستی بە هەڵوێستی جەماوەری هەیە".

وێنە گەورەکە: قەیس خەزعەلی یەكێکە لەو سەرکردە شیعانەی بەردەوام پێداگری لەسەر ئەوە کردووەتەوە کە دەبێت هێزەکانی هاوپەیمانان خاکی عێراق جێبهێڵن و قەرەبووی حکومەتی عێراق بکرێتەوە.

لێدوانی فەرمی: قەیس خەزعەلی، ئەمینداری گشتیی عەسائیبی ئەهلی حەق لە کۆڕبەندی سیاسیی بەرەی 'ئەلسادیقون' گوتی "دەرچوونی هێزەکانی داگیرکەر پێویستی بە هەڵوێستێکی جەماوەری و سیاسی ڕەتکەرەوە هەیە."

ئەوەی پێویستە بیزانیت: محەممەد شیاع سوودانی سەرۆكوەزیرانی عێراق، لە چوارچێوەی سەردانەکەی بۆ ئەمریکا، جەختی کردەوە "هێزەکانی ئەمریکا لە عێراق کشاونەتەوە، جگە لە ڕاوێژکارانی سەربازی و تەکنیکی هیچ هێزێکی شەڕکەر لەسەر خاکی عێراق نەماوە تاوەکو قسە لەبارەی کشانەوەیان بکرێت".