بەشی دووەمی مووچەی مانگی نیسان گەیشت

ئاڤا نیوز

 

بەشێکی دیکە لە شایستەی مانگی نیسانی وەزارەت و دامەزراوەکانی هەرێمی کوردستان خرایە سەر هەژماری بانکی وەزارەتی دارایی و ئابووری لە لقی هەولێری بانکی ناوەندی عێراق.

ڕاگەیێنراوی فەرمی: وەزارەتی دارایی ئابووریی حکومەتی هەرێمی کوردستان ڕایگەیاند: نیوەڕۆی ڕۆژی چوارشەممە 15ی ئایاری 2024، 443ملیار دینار وەک شایستەی مانگی نیسانی وەزارەت و دامەزراوەکانی هەرێمی کوردستان لە لایەن وەزارەتی دارایی عێراقەوە خرایە سەر هەژماری بانکیی وەزارەتی دارایی و ئابووری لە لقی هەولێری بانکی ناوەندیی عێراق.

ئەمەش بزانە: ڕۆژی سێشەممە وەزارەتی دارایی و ئابووریی حکومەتی هەرێمی کوردستان گەیشتنی بڕی 168ملیاری دیناری بە سێ گوژمە وەک شایستەی مووچەی مانگی نیسانی خانەنشینانی مەدەنی و سەربازی و کەسوکاری شەهیدان و ئەنفالکراوان و خاوەن پێداویستییە تایبەتەکانی هەرێمی کوردستان ڕاگەیاند.