پلاسخارت داوای گەڕانەوەی كۆتای پێكهاتەكان بۆ پەرلەمانی كوردستان دەكات

ئاڤا نیوز

 نوێنەری تایبەتی سكرتێری گشتی نەتەوە یەكگرتووەكان لە عێراق، لە ئەنجوومەنی ئاسایش لەبارەی دۆخی عێراق و هەرێمی كوردستان قسەی كرد. لەوێ گوتی: "چاوەڕێ دەكرێت بەمزووانە وادەیەكی نوێ بۆ هەڵبژاردنی پەرلەمانی كوردستان دیاری بكرێت و پێویستە كۆتای پێكهاتەكانیشی تێدابێت".

وێنە گەورەكە: هەڵبژاردنی پەرلەمانی كوردستان لەو وادەیەی دیاریكراوە دوادەكەوێت، پێدەچێت بەمزووانە وادەیەكی نوێ بۆ بەڕێوەچوونی دیاری بكرێت، ئەویش دوای ناڕەزایی پارتی و پێكهاتەكان لە شێوازی بەڕێوەچوونی هەڵبژاردن.

 لێدوانی فەرمی: جێنین پلاسخارت نوێنەری تایبەتی سكرتێری گشتی نەتەوە یەكگرتووەكان لە عێراق ڕایگەیاند: چاوەڕێ دەکرێت بەمزووانە کاتی هەڵبژاردن دیاریی بکرێت؛ هیوادارین ئەم کاتە نوێیە لە ماوەیەکی کەمتر لە چوار مانگی ئایندە بێت و کۆتای کەمینەکانیشی تێدابێت.

زانیاریی زیاتر: دۆخی سیاسیی هەرێمی کوردستان تووشی جەمسەرگیریی زیاتر بووە، هەڵبژاردنێکی گشتگیر و شەفاف و جێمتمانە کە هەمووان تیایدا بەشدار بن، زۆر پێویستە.

پلاسخارت وای گوتوە.

گۆشەیەكی دیكە: پلاسخارت سەبارەت بە دۆخی قەزای شنگال قسەی كرد و گوتی "نۆ ساڵە شنگال لە دەست داعش ئازاد کراوە، بەڵام هێشتا شارەکە وەک ئەوکاتە وێرانەیە".