گرووپی خۆكوژیی قوربان سەرهەڵدەداتەوە

ئاڤا نیوز

گرووپی قوربان ئەو گرووپە خۆكوژییەی ساڵی ڕابردوو دەركەوتن و لەبەرچاو نەمان، دیسان سەریانهەڵداوەتەوە. ئەوان بانگەشەی ئەوە دەکەن 'لەپێناو ئیمامی عەلی' خۆیان دەكوژن، لە كاتێكدا ئیمامی عەلی لە ساڵی 40ی كۆچییەوە گیانی لەدەست داوە.

‏‎‏‎وێنە گەورەکە: گرووپێک لە عێراق سەریهەڵداوە کە بیرۆکەی قوربانی بۆ ئیمامی عەلی لەناو خەڵک بڵاو دەکەنەوە، لە پارێزگای زیقار لە ماوەی چەند ڕۆژی ڕابردوو چوار حاڵەتی خۆکوشتن تۆمار کراوە کە لە دوای خۆیان نامەیەکیان جێ هێشتووە و دەیسەلمێنێت پەیوەندییان بەو گرووپەوە هەیە.

‏‎بڵاوکراوەی فەرمی: بە گوێرەی سەرچاوە ئەمنییەکان، لە شاری زیقار هەرزەکارێکی تەمەن 15 ساڵ لە ناو ماڵەکەی بە کێبڵی کارەبا خۆی هەڵواسیوە، بە پێی لێکۆڵینەوە سەرەتاییەکان دەرکەوتووە هۆکاری خۆکوشتنەکەی بە هاندانی 'گرووپی قوربان' بووە.

‏‎زانیاریی بەدەستهاتوو: میدیا عێراقییەکان، بڵاویان کردووەتەوە: "هەفتەی ڕابردوو سێ کەس لەناو خانوویەکی چۆڵدا خۆیان کوشتووە، لە دوای خۆیان نامەیان جێهێشتووە کە پشتڕاستی دەکەنەوە سەر بە گرووپی قوربانن".

‏‎باکگراوند: دوایین دەرکەوتنی گرووپی قوربان، لە مانگی ئایاری ساڵی 2023 بوو.