لیژنەی داکۆکی لە ڕۆژنامەنووسان: دەستگیرکردنی شاکار ستار پێچەوانەی یاسایە

ئاڤا نیوز

 

لیژنەی داکۆکی لە ئازادیی ڕۆژنامەنووسان ڕایدەگەیێنێت، دەستگیرکردنی ڕۆژنامەنووسان کارێکە دژ بە ئازادیی ڕادەربڕین.

 

چیرۆکی سەرەکی: دوای ئەوەی دوێنی دەزگای ئاسایشی هەرێمی کوردستان، دەستگیرکردنی ڕۆژنامەنووس شاکار ستاری ڕاگەیاند، لیژنەی داکۆکیکار لە ئازادی ڕۆژنامەنووسانیش کارەکە بە پێجەوانەی یاسا دەزانێت.

 

ڕاگەیێنراوی فەرمی: لیژنەی داکۆکی لە ئازادی ڕۆژنامەنووسان دەڵێت: "سەندیکای ڕۆژنامەنووسان لە چەند کەناڵێکەوە هەوڵی ئازادکردنی ڕۆژنامەنووس شاکار ستاری داوە، بریاربوو بە زووترین کات ئازاد بکرێت، بەڵام بە داخەوە تاوەکو ئێستا ئازاد نەکراوە."

 

زانیاریی زیاتر: دوو ڕۆژ لەمەو بەر لە بازگەی کۆیە بێژەر و ڕۆژنامەنووس شاکار ستار کە لە دەزگایەکی میدیایی بەناوی "تیوار" کار دەکات، لە کاتی گەڕانەوەی لە سلێمانییەوە بۆ هەولێر و لە بازگەی "ئاشتی" کۆیە لەلایەن هێزێکی ئەمنییەوە بە تۆمەتی ئامادەكردن و پێشكەشكردنی زنجیرە ڕاپۆرتێکی چەواشەکاری بۆ پەیجێکی نافەرمی دەستگیرکرا.