پلاسخارت لە وڵاتێكی دیكە دەبێتە ڕێکخەری تایبەتی نەتەوە یەکگرتووەکان

ئاڤا نیوز

جێنین پلاسخارت، دەبێتە ڕێکخەری تایبەتی سکرتێری گشتیی نەتەوە یەکگرتووەکان لە لوبنان.

وێنە گەورەکە: ئەنتۆنیۆ گوتێرێز، سکرتێری گشتیی نەتەوە یەکگرتووەکان، جێنین پلاسخارتی نوێنەری تایبەتی لە عێراق وەک ڕێکخەری تایبەت بۆ لوبنان دەستنیشان دەکات. 

ئەوەی پێویستە بیزانیت: پلاسخارت لە 2018 ەوە نێردەی تایبەتی سکرتێری گشتیی نەتەوە یەکگرتووەکانە لە عێراق و سەرۆکایەتی تیمی هاوکاریی نەتەوە یەکگرتووەکان لە عێراق، یونامی، دەکات. 

زانیاریی زیاتر: پلاسخارت ئەزموونی زیاتر لە 25 ساڵ لە کاری دیپلۆماسی هەیە؛ لە 2012-2017 وەزیری بەرگریی هۆڵەندا بووە و یەکەم ژن بووە ئەو پۆستە وەربگرێت. 

بۆچی گرنگە: دەستنیشانکردنی پلاسخارت بۆ پۆستێکی نوێی نەتەوە یەکگرتووەکان لە دەرەوەی عێراق، ئاماژەیە بە ئامادەکارییەکانی نەتەوە یەکگرتووەکان بۆ کۆتاییهێنان بە کاروبارەکانی یۆنامی لە عێراقدا کە حکومەتی عێراقی داوای کردبوو.