سیخوڕێکی سی ئای ئەی دەستگیركرا كە لە بەرژەوەندی چین كاری كردووە

ئاڤا نیوز

سیخوڕێکی پێشووی ئاژانسی هەواڵگریی ئەمریکا، سی ئای ئەی، سیخوڕی بۆ چین کردووە و ئێستا دەستگیركراوە.

ڕاگەیێنراوی فەرمی: وەزارەتی دادی ئەمریکا ڕایگەیاند، ئەلێکساندەر یوک چینگ ما، کە ئێستا تەمەنی 71 ساڵە، بە ڕەچەڵەک خەڵکی هۆنگ کۆنگە و هەڵگری ڕەگەزنامەی ئەمریکییە، ساڵی 2001 "قەبارەیەکی زۆر لە زانیاریی نهێنیی بەرگریی نیشتیمانیی ئەمریکای" خستووتە بەردەست چین.

ئەوەی پێویستە بیزانیت: سیخوڕەکە لەکاتێکدا ئەم زانیارییانەی بە چین داوە کە 12 ساڵ پێشتر وازی لە کارکردن لە سی ئای ئەی هێناوە. 

زانیاریی زیاتر: سیخوڕەکە لەبەرامبەر 50 هەزار دۆلاری ئەمریکیدا زانیارییەکانی ئەمریکای بە چین داوە و بەڵێنی داوە لە هاوکاریکردنیان بەردەوام بێت.