لە ئەمریکا بۆ ناسینەوەی خۆپیشاندەران بیر لە قەدەغەکردنی ماسک دەکرێتەوە

ئاڤا نیوز

 

چەند ویلایەتێکی ئەمریکا دەیانەوێت لە ڕێگەی یاساوە لەبەرکردنی ماسک لە شوێنە گشتییەکاندا قەدە‌غە بکەن، ئەمەش بۆ ناسینەوەی ئەو کەسانەی کە بەشداریی لە خۆپیشاندانەکانی لایەنگریی فەڵەستیندا دەکەن و دژی شەڕی غەززەن.

وێنە گەورەکە: پۆلیس لە ڕێگەی کامێراکانی چاودێریی و کامێرا زیرەکەکانی ناسینەوەی ڕووخسارەوە، هەوڵی ناسینەوەی ئەو کەسانە دەدات کە بەشداریی لە خۆپیشاندانەکاندا دەکەن، بەڵام خۆپیشاندەران بە بەستنی ماسک ڕووخساری خۆیان دەشارنەوە.

بۆچی گرنگە: پۆلیسی ئەمریکا لە سەرکوتکردنی خۆپیشاندانی خوێندکارانی زانکۆکانی ئەمریکا بۆ پشتیوانیی فەڵەستین هەزاران کەسی لێ دەستگیرکردن. ژمارەیەک لە ستافی زانکۆکان لە کارەکانیان دەرکراون و ژمارەیەک خوێندکاریش ڕووبەڕووی فەسڵکردن بوونەتەوە. قەدەغەکردنی ماسک ناسینەوەی کەسەکان ئاسانتر دەکات.