کێشەی پەنجەمۆری زیاتر لە 20 هەزار دەنگدەر چارەسەر دەکرێت

ئاڤا نیوز

 

پڕۆسەی تۆمارکردنەوەی پەنجەمۆری دەنگدەران لە ناوەندەکانی دەنگدان بەردەوامە، تاوەکو ئێستا کێشەی بەشێکی دەنگدەران چارەسەربووە.

 

وێنە گەورکە: ماوەی هەفتەیەکە لە ناوەندەکانی دەنگدان لەسەرجەم پارێزگاکانی هەرێمی کوردستان، پڕۆسەی دووبارە تۆمارکردنی پەنجەمۆر دەستیپێکردووەتەوە و بەشێکی زۆری دەنگدەران کێشەکەیان چارەسەر بووە، ئەمە لەکاتێکدا پێشتر بەشێک لە دەنگدەران کێشەی خوێندنەوەی پەنجەمۆریان هەبوو.

 

 

ژمارەکان وادەڵێن: 355 هەزار و 506 دەنگدەر لە هەرێمی کوردستان کێشەی نەبوونی پەنجەمۆریان هەیە، کە بەم شێوەیە بەسەر پارێزگاکان دابەشبوون:

پارێزگای هەولێر 136 هەزار دەنگدەر 
پارێزگای سلێمانی 143 هەزار و 506 دەنگدەر 
پارێزگای دهۆک 76 هەزار دەنگدەر

 

خاڵە ئەرێنییەکان: لە پارێزگای هەولێر 14 هەزار دەنگدەر کێشەی خوێندنەوەی پەنجەمۆریان چارەسەر بووە، پارێزگای دهۆک کێشەی 8%ـی دەنگدەران چارەسەر بووە، لە پارێزگای سلێمانی تائێستا کێشەی %45ـی کێشەکە چارەسەربووە.

 

لەلایەکی دیکەوە: تاوەکو ئێستا کۆمیسیۆنی هەڵبژاردنەکانی عێراق ئەو ئامێرە نوێیانەی کە ئاسانکاری بۆ چارەسەری تۆماری پەنجەمۆری دەنگدەران دەکەن بۆ ناوەندەکانی دەنگدان نەناردووە.