قەتەر سەرمایەگوزاری لە وزە و چەند سێکتەرێکی گرنگ لە هەرێمی کوردستان دەکات

ئاڤا نیوز

 

لە دوای کردنەوەی کونسوڵخانەی، قەتەر بە نیازە چەندین وەبەرهێنان لە هەرێمی کوردستان بکات. 

 

وێنە گەورەکە: ئەمڕۆ یەکشەممە 26-5-2024 کۆنسوڵخانەی قەتەر لە هەرێمی کوردستان دەکرێتەوە، پەیوەندییەکانی قەتەر و هەرێمی کوردستان دەچێنە قۆناغێکی نوێوە.

 

ڕاگەیێنراوی فەرمی: سەرۆکایەتیی هەرێمی کوردستان بڵاویکردەوە، ئەمڕۆ 26-5-2024  نێچیرڤان بارزانی سەرۆکی هەرێمی کوردستان و ئەحمەد بن حەسەن ئەلحمادی ئەمینداری گشتی وەزارەتی دەرەوەی قەتەر کۆبوونەوە و پەیوەندییەکانی نێوان هەردوولایان تاوتوێکرد.

 

لەلایەکی دیکەوە: لە کۆبوونەوەکەدا هەریەک لە باڵوێز و کونسوڵی گشتیی قەتەر لە عێراق و هەرێمی کوردستان بەشداربوون، گفتوگۆ لەسەر دەرفەت و بوارەکانی وەبەرهێنانی قەتەر لە هەرێمی کوردستان کرا و شاندەکە خواستی پەرەپێدانی ئابووری و بازرگانی و پەیوەندییەکانیان خستە ڕوو، کردنەوەی کونسوڵخانەی وڵاتەکەشیان لە هەولێر بۆ ئەم مەبەستە گەڕاندەوە.

 

زانیاریی زیاتر: شاندە قەتەرییەکە ئامادەییان خۆیان دەربڕی بۆ پەرەدان لە بوارەکانی وزە، گەشتیاری، کشتوکاڵ، خوێندن و پەروەردە، تەندروستی و وەبەرهێنان و سەرمایەگوزاری.