دووکانێکی ساردەمەنی لە دەربەندیخان وێنەی کڕیارانی هەڵدەواسێت

ئاڤا نیوز

دووکانێکی ساردەمەنی لە دەربەندیخان دیمەنێکی تەواو جیاوازیی هەیە، لەبری وێنەی خواردن و سرووشت وێنەی کڕیارانی لەسەر دیوارەکان هەڵواسیوە، ئەمەش بووەتە جێگەی سەرنجی ئەو کەسانەی سەردانی ئەو دووکانە دەکەن. 

چیرۆکی سەرەکی: ساردەمەنییەک لە قەزای دەربەندیخان لە ساڵی 1993ەوە، بەردەوامە لە هەڵواسینی وێنەی ئەو کەسانەی کە بۆ خواردنی شیرینی یان شەربەتێک سەردانی دەکەن، بەهۆی ئەمەوە دیمەنێکی تەواو جیاواز و سەرنجڕاکێشی هەیە. 

لێدوانی فەرمی: دڵشاد مەحموود، خاوەنی ساردەمەنییەکە بە هونەر فارس پەیامنێری ئاڤای ڕاگەیاند: لە سەرەتای دامەزراندنی ئەم دووکانەوە بەردوامین لەسەر ئەو کارە و ئێستا ئەو هاونیشتمانیانەی لە دەرەوەی وڵاتیشن و بە سەردان دەگەڕێنەوە، لە وێنەی یادگاری خۆیان ڕادەمێنن.