لە دهۆک 100 خۆبەش بە گرێبەست دادەمەزرێن

ئاڤا نیوز

 

حکومەتی هەرێمی کوردستان 100 کەس بۆ بەشی فریاکەوتنی نەخۆشخانەی ئازادیی دهۆک، بە شێوەی گرێبەست دادەمەزرێنێت.

 

بۆچی گرنگە: چەندین ساڵە ئەو کەسانە وەکو خۆبەخش کاردەکەن،  لەمەودوا دەبنە خاوەنی مووچە، پێداویستی نەخۆشخانەکانیش لە کەمیی کارمەندی تەندروستی پڕ دەکاتەوە.

 

لێدوانی فەرمی: د. ئەفراسیاب مووسا، بەڕێوەبەری گشتیی تەندروستی دهۆک بە ئاڤا نیوزی ڕاگەیاند: ئەمڕۆ بە فەرمی بڕیاری بە گرێبەستکردنی وەزاری بۆ  100 کەس دەرچووە، 80 لەوانە برینپێج و پەرستارن،  ئەوانی دیکەش سەر بە بەشەکانی دیکەن و بەپێی پێویستی دادەمەزرێن.

 

زانیاریی زیاتر: هەلی کار لەلایەن وەزارەتی تەندروستییەوە بە شێوەی ئۆنڵاین ڕاگەیێنرابوو و هەزار و 800 کەس داواکاریان پێشکەش کردبوو، ئەو 100 کەسە لەسەر بنەمای ساڵی خزمەتی خۆبەخشی، کەسوکاری شەهیدان وەرگیراون.

 

ئەوەی پێویستە بیزانیت: گرێبەستی دەرچووانی کۆلێژ 500 هەزار دینارە و دەرچووانی پەیمانگەش 400 هەزار دینار دەبێت.