حەشدی شەعبی ژمارەی کوژراو و بریندارانی بەهۆی هێرشەکەی ئەمریکا راگەیاند

هەواڵ
2024-02-03

شەیری بکە لە:

حەشدی شەعبی ژمارەی کوژراو و بریندارانی بەهۆی هێرشەکەی ئەمریکا راگەیاند

ئەمریکا بە 125 مووشەک 85 بنکە و بارەگای گرووپە چەکدارەکانی نزیک لە ئێرانی لە عێراق و سووریا بۆردوومان کرد

ئاڤا دیجیتاڵ

حەشدی شەعبی رایدەگەیێنێت، بەهۆی هێرشی ئەمریکا بۆ سەر پێگەکانیان لە عێراق 16 چەکداریان کوژراون لەگەڵ برینداربوونی 25 ی دیکە.

وێنە گەورەکە: گرووپە چەکدارەکانی نزیک لە ئێران لە وەڵامی هێرشی ئەمریکا بۆ سەر بنکەکانیان لە عێراق و سووریا، هەڕەشەی ئەوە دەکەن لە هێرشەکانیان بۆ سەر ئەمریکا و هاوپەیمانان بەردەوام دەبن،

بۆچی گرنگە: ئەم کاردانەوانە دەبێتە هۆی پەرەسەندن و بەردەوامبوونی گرژی و ئاڵۆزییەکان، کە کاریگەری راستەوخۆ دەکاتە سەر تەواوی ناوچەکە بە هەرێمی کوردستانیشەوە.

سەرچاوەی فەرمی: لە راگەیێنراوێکدا فەرماندەی ئۆپەراسیۆنەکانی ئەنباری حەشدی شەعبی رایگەیاند، لە ئەنجامی هێرشەکانی ئەمریکا بۆ سەر هێزەکانیان لە ئەنبار، 16 چەکداریان کوژراون و 25 دیکەش برینداربوونە.

باکگراوند: لە تۆڵەی هێرشە درۆنییەکەی هەفتەی رابردووی سەر بنکەیەکی سەربازیی ئەمریکا لە ئوردن کە کوژرانی سێ سەربازی ئەمریکی و برینداربوونی 40ی دیکەی لێکەوتەوە، شەوی رابردوو ئەمریکا یەکەم هێرشی دەستپێکرد و 85 بنکە و بارەگای گرووپە چەکدارەکانی نزیک لە ئێرانی لە عێراق و سووریا بۆردوومان کرد.