مالیکی: دەبێت فەرمانبەرانی هەرێمی کوردستان شایستە داراییەکانیان پێبگات

ئاڤا نیوز

سەرۆکی هاوپەیمانی دەوڵەتی یاسا دەڵێت، دەبێت "فەرمانبەرانی هەرێمی کوردستان بە پێی دەستوور شایستە داراییەکانی خۆیان پێبگات".

لێدوانی فەرمی: نووری مالیکی، سەرۆکی هاوپەیمانی دەوڵەتی یاسا لە دوای کۆبوونەوەی لەگەڵ سەرۆکوەزیران بارزانی، ڕایگەیاند:"هەمیشە سوورین کە هەماهەنگیمان لەگەڵ هەرێمی کوردستان هەبێت و پێکەوە کێشەکان چارەسەر بکەین، بۆ دۆزینەوەی چارەسەری کێشەکان کۆبوینەوە".

بۆچی گرنگە: "لەگەڵ سەرۆکوەزیران بارزانی ڕێککەوتین کە چارەسەرێکی درێژخایەن بدۆزینەوە نەک چارەسەرێک کە دووبارە قەیران دروست بێتەوە، دیدگایەک هەیە کە کێشەکان چارەسەر بکەین". نووری مالیکی وای گوت. 

بابەتی ستراتیژی: لە کۆبوونەوەکە جەخت لە "گرنگیی بەردەوامبوونی هەماهەنگیی و هاریکاری نێوان هێز و لایەنە سیاسییەکانی عێراق لە پێناو تێپەڕاندنی کێشە و ئاستەنگەکان کرایەوە بەپێی ڕێککەوتنی لایەنە سیاسییەکانی ئیدارەی دەوڵەت و کارنامەی وەزاری حکومەتی فیدراڵ".