لە سلێمانی کامپی ئاوارەکان نامێنێت

ئاڤا نیوز

 

وەزارەتی کۆچ و کۆچبەرانی عێراق ڕایگەیاند، تەنها 370 خێزان لە کامپێکی پارێزگای سلێمانی ماون و بەم زووانە ئەو کامپە دادەخەن.

 

وێنە گەورەکە: دوو ڕۆژ لەمەوبەر ڕێبەر ئەحمەد، وەزیری ناوخۆی هەرێمی کوردستان ڕایگەیاند: "لەگەڵ بەزۆرەملێ گەڕاندنەوەی ئاوارەکان بۆ شوێنی نیشتەجێبوونی خۆیان نین".

 

ڕاگەیێنراوی فەرمی: وەزارەتی کۆچ و کۆچبەرانی عێراق، ئەمڕۆ شەممە ڕایگەیاند: "787 ئاوارە لە کامپی ئاشتیی سلێمانی بۆ شنگال و ناحیەی یەسریب لە پارێزگای سەڵاحەددین گەڕێنراونەتەوە. هاوکات بڕی چوار ملیۆن دینار و چەند پێداویستییەکی نێو ماڵ بە هەر خێزانێك دراوە".

 

زانیاریی زیاتر: "لە کامپی ئاشتی 370 خێزانی ئاوارە ماون، دوای تەواوبوونی تاقیکردنەوەکانی پۆلی 12ـی ئامادەیی، ئەو خێزانانەش دەگەڕێنرێنەوە بۆ شوێنەکانی خۆیان. بەیەکجاری کامپی ئاوارەکان لە سلێمانی دادەخرێن". وەزارەتی کۆچ و کۆچبەران وادەڵێت.