سەدان گەشتیار لە چیای حەسەن بەگ ڕزگاردەکرێن

ئاڤا دیجیتاڵ

 

شەپۆلێکی بەفربارینی چڕ ئیدارەی سەربەخۆی سۆرانی گرتووەتەوە و ئەو گەشتیارانەی چووبوونە چیای حەسەن بەگ، دوای چوار کاتژمێر گیربوون لەسەر چیاکە، لەلایەن تیمەکانەوە ڕزگارکران. 

 

لێدوانی فەرمی: "نزیکەی 500 گەشتیار سەردانی چیای حەسەن بەگیان کردبوو، لەکاتی گەڕانەوە بەهۆی بەفربارینی چڕەوە پاسەکانیان کە ژمارەی 40 پاس بوو، گیربوون و دوای چوار کاتژمێر مانەوە لەسەر چیاکە، ڕزگارکران". ڕەوەند هاودیانی، گوتەبێژی بەرگریی شارستانیی سۆران بە ئاڤا نیوزی ڕاگەیاند.

 

زانیاری زیاتر: زۆرینەی گەشتیارەکان عەرەبن و  سەردانی چیاکەیان کردبوو. دوای گیربوونیان، بەڕێوەبەرایەتییەکانی گواستنەوە و گەیاندن، بەرگریی شارستانی، چاکردنەوە و پاراستنی رێگاوبانی ئیدارەی سەربەخۆی سۆران، لە ڕێگەی هەشت تیمەوە ڕزگارکران.